Nur-Sultanda koronavırýs juqtyrǵandardyń basym bóligi 30-49 jas aralyǵynda
NUR-SULTAN. QazAqparat - Nur-Sultan qalasy Qoǵamdyq densaýlyq saqtaý basqarmasynyń basshysy Sáýle Qısyqova koronavırýs ınfektsııasyn juqtyrǵandardyń jasy týraly aıtyp berdi, dep habarlaıdy QazAqparat tilshisi.
«Qazirgi ýaqytta Nur-Sultan qalasynda koronavırýs ınfektsııasyna qatysty 25 jaǵdaı tirkelgen. Onyń ishinde 17 jaǵdaı nemese naýqastardyń 68 paıyzy - 30 ben 49 jas aralyǵynda, 4 oqıǵa - 50-59 jas, 3 oqıǵa - 18-29 jas aralyǵynda jáne bir oqıǵa - 14 jastaǵy jasóspirimde kezdesti», - dedi basqarma basshysy qala ákimdiginde ótken onlaın brıfıngide.
Sáýle Qısyqovanyń aıtýynsha, qazirgi ýaqytta barlyq naýqastardyń jaǵdaıy qanaǵattanarlyq, esh shaǵymy joq jáne dene qyzýy shekti normadan aspaǵan.
Eske sala ketsek, Qazaqstanda qazir 49 koronavırýs ınfektsııasyn juqtyrǵan adam tirkelgen.
«Osy saǵatta (20 naýryz saǵat 08:30-da) Almatyda – 22 adam, Qaraǵandy qalasynda - 2 adam, Nur-Sultanda - 25 adam tirkelgen. Respýblıka aýmaǵynda barlyǵy 49 naýqas tirkelip otyr. Olardyń eshqaısysy qaıtys bolǵan joq» , - dedi QR Densaýlyq saqtaý mınıstrliginiń resmı ókili Dıas Ahmetshárip.
Onyń aıtýynsha, naýqastardyń barlyǵynyń jaǵdaıy jaqsy.
