Nur-Sultanda koronavırýs juqtyrǵandardyń 68% － áıelder

NUR-SULTAN. QazAqparat - Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qısyqova elordada koronavırýs jaǵdaıynyń statıstıkalyq derekterin jarııalady, dep habarlaıdy QazAqparat.

«2020 jyly 22 qańtardan bastap, Nur-Sultanda ınfektsııalyq statsıonarlar men provızorlyq statsıonarlar ashyldy. 28 qańtardan bastap, onda 1942 patsıent jatty. Onyń ishinde 109 adam nemese 6% - 18 jasqa tolmaǵan. 22 naýryz saǵat 10.00-degi jaǵdaı boıynsha 1234 adam koronavırýs kúdigimen statsıonarda jatyr. Onyń 61-i - balalar», - dedi basqarma basshysy «Habar 24» telearnasynda ótken brıfıngte.

Qazirgi ýaqytta Nur-Sultanda koronavırýs ınfektsııasynyń 31 jaǵdaıy tirkeldi. 30 naýqas - Qazaqstan azamattary bolsa, 1-eýi — sheteldik.

«Olardyń 32% nemese 10 naýqas - er adam, 68% nemese 21 naýqas - áıelder. Jas qurylymy boıynsha, 21 oqıǵa nemese naýqastardyń 68% - 30-49 jas aralyǵynda. 18 jasqa tolmaǵan 2 bala bar jáne 18-29 jas aralyǵyndaǵy 3 naýqas bar. 50-59 jas aralyǵynda - 4 adam jáne 60 jastan asqan 1 naýqas tirkelgen.

Naýqastardyń 26% nemese 8 oqıǵa 1A sanatyndaǵy elderden kelgen reısten túsirilgen jolaýshylar.

Aıta keteıik, Qazaqstan Respýblıkasy aýmaǵynda koronavırýs ınfektsııasyn juqtyrǵan jalpy 56 naýqas tirkeldi. Nursultan qalasynda 31 adamda koronovırýs ınfektsııasy anyqtaldy. Almaty qalasynda - 22 adam, Qaraǵandy qalasynda - 2, Almaty oblysynda 1 adam.

Buǵan deıin basqarma basshysy elordada Nursultan Nazarbaev atyndaǵy áýejaıǵa kelgen 600-ge jýyq jolaýshynyń tekserilip jatqanyn habarlady.