Nur-Sultanda koronavırýs juqtyrǵan oqýshylar sany artty
«Elorda áli de «qyzyl» aımaqta tur. Kún saıyn orta eseppen 200-280 jańa ınfektsııalyq jaǵdaı tirkeledi. Qyrkúıek aıynda tamyz aıymen salystyrǵanda syrqattanýshylyq kórsetkishi 3,5 ese tómendegeni baıqaldy. Sondaı-aq, osy aptada ótken jylǵy kezeńmen salystyrǵanda naýqastar sany 8 paıyzǵa artqany baıqalady», - dedi S. Beısenova Ortalyq kommýnıkatsııalar qyzmetinde ótken baspasóz máslıhatynda.
Syrqat qurylymy boıynsha, juqtyrǵandar arasynda eresekter sany 79,7% quraıdy. Onyń 20,3%-y 30-39 jas aralyǵynda bolsa, 27,8 % - 40-59 jasta, 20,1% - 18-29 jasta, al 11,5% - 60 jastan asqandar.
«Qyrkúıekte koronavırýs juqtyrǵan balalardyń úlesi 16-dan 24,3%-ǵa deıin, jasóspirimder – 2,5-ten 5,4%-ǵa deıin ósti. Al naýqas oqýshylardyń úlesi 2,3-ten 20 paıyzǵa deıin artqan. Oqý jylynyń basynan beri koronavırýs juqtyrǵan oqýshylar sany 2 232 bolǵan, bul aýrý juqtyrǵan jalpy halyqtyń 19,6% jáne oqýshylardyń 1 paıyzyn quraıdy. Olardyń 642-si nemese 29%-y mektepke barmaı turyp aýyryp qalǵan, osylaısha oqýshylar arasynda 1590 jaǵdaı oqý bastalǵan soń tirkelgen», - dep atap ótti Sarhat Beısenova.
Spıkerdiń aıtýynsha, epıdprotseske qalanyń 125 mektebinen 1237 synyp tartylǵan. Qazirgi ýaqytta 1526 oqýshy saýyǵyp, mektepke oraldy jáne 88 mekteptiń 303 synyby karantın sharalaryn jalǵastyrýda.
«Kovıdtiń eń kóp tirkelýi 3-8 synyp oqýshylary arasynda baıqalady. Bul 963 jaǵdaı nemese oqýshylardyń jalpy aýrýshańdyǵynyń 43%-yn quraıdy. Jalpy syrqattanýshylyqtyń 62,6 %-yn jumys isteıtin halyq jáne 25,4% - yn jumys istemeıtin turǵyndar quraıdy», - dedi S. Beısenova.