Nur-Sultanda koronavırýs boıynsha epıdemıologııalyq ahýal qandaı
Vedomstvo málimetinshe, qazirgi ýaqytta ınfektsııalyq tósekter 12% júktelgen.
24 naýryz kúngi derekke sáıkes, statsıonarlarda KVI juqtyrǵan 39 patsıent jatyr. Onyń ishinde ókpeni jasandy jeldetý apparatyna 3 adam qosylǵan, 12 adam reanımatsııada em qabyldaýda.
Qalada koronavırýs ınfektsııasynan ólim-jitim tómendegen. Densaýlyq vedomstvosy buǵan KVI-ge qarsy vaktsınatsııa aıtarlyqtaı yqpal etkenin atap ótýde.
Sondaı-aq balalar men júkti áıelder arasynda da ınfektsııa azaıdy. Qazir indetti juqtyrǵan júkti 2 áıel em qabyldaýda.
Infektsııalyq tósek júktemesiniń tómen bolýyna baılanysty 275 oryn bos. Onyń ishinde 54 tósek reanımatsııada ornalasqan.
«Elordada 490 myńnan astam adam tolyq ımmýndaýdan ótti. Bul belgili bir ımmýndyq qabatty qalyptastyrdy», dedi qalalyq Densaýlyq saqtaý basqarmasynan. Al 102 myńnan astam turǵyn revaktsınatsııadan ótti.
