Nur-Sultanda koronavırýs anyqtalǵanda ǵana synyptar jabylady

NUR-SULTAN. QazAqparat – Nur-Sultanda koronavırýs anyqtalǵan jaǵdaıda mektepti emes, synyptardy nemese qabattardy jabý josparlanyp otyr. Bul týraly Nur-Sultan qalasynyń bas memlekettik sanıtarlyq dárigeri Sarhat Beısenova aıtyp berdi, dep habarlaıdy QazAqparat tilshisi.

«Epıdemıologııalyq jaǵdaı jaqsarǵanda árıne, shekteý sharalaryn jeńildetý máseleleri sheshiledi jáne koronavırýs anyqtalǵan jaǵdaıda mektepti emes, synyptardy nemese tutas qabatty jabý josparlanýda. Japsarlas synyptar jabylady. Bul másele qazir talqylanyp jatyr», - dedi spıker elorda ákimdiginde ótken onlaın brıfıngte.

Aıta keteıik, Nur-Sultanda aqpan aıynyń basynan beri koronavırýs juqtyrýdyń 2192 jaǵdaıy tirkelgen.

Nur-Sultanda koronavırýspen aýyrǵandardyń negizgi úlesi 30-39 jasta.

Qazirgi ýaqytta elordada 21 mektepte karantın jalǵasýda.

Al elordalyqtar mamyr aıynda ekpe ala alady.