Nur-Sultanda kópbalaly analar velosıpedti 50% jeńildikpen jalǵa alady
NUR-SULTAN. QazAqparat - Elordada velosıpedti jalǵa berý qyzmetin budan bylaı kópbalaly analar men soǵys ardagerleri jeńildikpen paıdalana alady, dep habarlaıdy QazAqparat.
Bul jóninde City Transportation Systems kompanııasy málimet taratty.
«Elorda velosıpedshileri úshin jaqsy jańalyq. 1 shildeden bastap jeńildik ala alatyndar sany kóbeıedi. Endi 50% jeńildikti tek stýdentter, zeınetkerler men erekshe qajettiligi bar adamdarmen qosa, taǵy birqatar sanattar ala alady» dep málim etti kompanııa.
50% jeńildik beriletin azamattar:
- Ekinshi dúnıejúzi soǵysy ardagerleri men múgedekteri jáne solarǵa teńestirilgen adamdar;
- Aýǵan soǵysy ardagerleri;
- Kópbalaly analar;
- Kópbalaly otbasylar;
- Erekshe qajettiligi bar balalar, sonyń ishinde ata-anasynyń bireýi (zańdy ókiline);
- Barlyq toptaǵy múgedekter.
Aıta ketý kerek, jeńildik tek Nur-Sultan qalasynda tirkelgen jáne turaqty turatyn azamattarǵa beriledi. ⠀
Abonement jeńildikpen birge mynansha turady:
Maýsymdyq - 5 000 tg.
Toqsandyq - 3 000 tg.
Eske sala keteıik, elordalyq velosıped jaldaý qyzmetin 16 jastan bastap paıdalanýǵa bolady.
«Kópbalaly otbasylar» sanaty boıynsha jeńildik memlekettik járdemaqy alatyn ata-ananyń bireýine beriledi. Sondaı-aq ol CTS jeńildigi bar tulǵalar bazasynda bolýǵa tıis.
