Nur-Sultanda konkımen júgirý sportynan el chempıondary anyqtalady
NUR-SULTAN. QazAqparat – Elordada konkımen júgirý sportynan Qazaqstan Respýblıkasynyń chempıonaty ótedi, dep habarlaıdy QazAqparat.
QR Mádenıet jáne sport mınıstrligi Sport jáne dene shynyqtyrý isteri komıtetinen málim etkendeı, chempıonat 23-25 qazan kúnderi aralyǵynda «Alaý» Sport saraıynda ótedi.
«Týrnırde elimizdiń barlyq óńirlerinen 100-den astam sportshy baq synaıdy. Sonymen qatar, QR Ulttyq quramasynyń jetekshi sportshylary qatysady», - dedi komıtettiń baspasóz qyzmetinen.
Jarys baǵdarlamasy:
23 qazan - 500 m (erler, áıelder) jáne 1000 m (erler, áıelder) júgirý.
24 qazan –3000 m (áıelder), 5000 m (erler). Toptyq sprınt - áıelder, erler.
25 qazan - 1500 m (áıelder, erler). Toptyq jarys - áıelder, erler. Mass-start - áıelder,erler.
