Nur-Sultanda kómirge suranys artty
NUR-SULTAN. QazAqparat - «QTJ-Júk tasymaly» JShS bas dırektorynyń orynbasary Qanat Kóbesov elordada kómirge suranys artqanyn aıtty, dep habarlaıdy QazAqparat tilshisi.
«Kómirdiń lezde satylyp ketýi suranystyń joǵary bolýymen túsindirilip otyr. Bul rette suranys aıtarlyqtaı ósti. Elordanyń aýmaǵy aıtaryqtaı ósti, turǵyndar sany jyl saıyn artyp keledi. Statıstıkaǵa súıensek, 9 aıda 77 mln tonna shamasynda jónelttik, bul byltyrǵydan 4 paıyzǵa artyq. Osy kórsetkish kómirge suranystyń artqanyn baıqatyp otyr»,- dedi Q. Kóbesov elordadaǵy kómir ótkizetin oryndardy aralaý kezinde.
Onyń aıtýynsha, dúrbeleń týdyrmas úshin kómir ótkizetin oryndardyń ókilderi turǵyndarǵa tıisti aqparat berýi kerek.
«Bul turǵyda qyzmet kórsetý laıyqty deńgeıde bolýy tıis, turǵyndarmen jumys istegen jón. Bizde monıtorıngilik toptar kún saıyn barlyq kómir jetkiziletin oryndardy aralaıdy», - dedi ol.
Budan buryn habarlanǵandaı, Qanat Kóbesov elordany kómirmen qamtamasyz etýge qatysty túsinik berdi.
«Aıtarlyqtaı dúrbeleń (kómir satylatyn temir jol tuıyqtarynda) joq. Oryn alǵan dúrligý alypsatarlyq, ıaǵnı ol kómir satýshylarmen tikeleı baılanysty. Qarapaıym ǵana statıstıkalyq derek keltire keteıin, qazan aıynyń 7 kúniniń ishinde Nur-Sultanǵa 171 vagon kómir túsirdik», - dedi ol.
