Nur-Sultanda kómir satýmen 7 kompanııa aınalysady

NUR-SULTAN. QazAqparat - Elordada qalanyń túrli bólikterindegi 10 núktede kómir satýmen aınalysatyn 7 kompanııa anyqtaldy, dep habarlaıdy QazAqparat Nur-Sultan ákimdiginiń resmı saıtyna silteme jasap.

Kómirdiń ortasha quny jetkizý qunyn eseptemegende tonnasyna 13 myń teńgeni quraıdy.
Kómirdi kelesi mekenjaılar boıynsha satyp alýǵa bolady:
- Gertsen kóshesi, 4/1-qarajyra sorty, qarajyra tutynýshysy;
- Sorokovaıa stantsııa-qarajyra sorty, qarajyra tutynýshysy;
- Gertsen kóshesi, 6/2-bogatyr usaq, maıkóbe, Qaraǵandylyq jalyn, Qarajyra, Shubarkól sorty;
- Kóktal, 28/1-maıkóbe;
– Jubanov k-si, 35-Shubarkól;
- Kóktal, 28/2-Shubarkól;
- J. Jabaev kóshesi, 68-Qarajyra sorty.,
– Maqat k-si, 40-Qarajyra sorty., Qarajyra;
- Gertsen kóshesi, 6B-bogatyrskıı, Qarajyra, jalyn, maıkóbe ;
- Sorokovaıa stantsııa - Shubarkól.

Eske sala keteıik, buǵan deıin elorda ákimi Altaı Kólginov bıylǵy jylytý maýsymynda gazǵa qosylý múmkindigi qalanyń taǵy jeti turǵyn alaby turǵyndarynda paıda bolatynyn habarlaǵan edi. Olardyń qatarynda Ońtústik-Shyǵys, Promyshlennyı, Kóktal-1, Agroqalashyq (2020 jyly qosylmaǵan bólik) bar. Sondaı-aq, «QazTransGaz Aımaq» AQ Kúıgenjar, Mıchýrıno, Internatsıonalnyı eldi mekenderinde gazben jabdyqtaý jelileriniń qurylysyn júrgizýde. «Qazaqaýyl» (Qaraótkel) shaǵyn aýdany boıynsha jobalaý-smetalyq qujattama ázirlenip jatyr.

Esterińizge sala keteıik, ótken jylytý maýsymynda Jeleznodorojnyı, Kóktal-2, Agroqalashyq turǵyn alaptarynyń turǵyndary gazǵa qosylý múmkindigine ıe boldy. Sol kezde 345 km kvartalishilik gazben jabdyqtaý jelileri salyndy.