Nur-Sultanda qoljetimdi turǵyn úı kólemi 3 ese artty
NUR-SULTAN. QazAqparat - 2020 jyly «Nurly jer» baǵdarlamasy boıynsha 8 myńǵa jýyq elorda turǵyny qonys toıyn toılaıtyn bolady, dep habarlaıdy elorda ákimdiginiń resmı saıty.
«Nurly jer» baǵdarlamasy aıasynda 2020 jyly memlekettik ınvestıtsııalar esebinen elordada jalpy aýdany 500 myń sharshy metrden astam (8 myńǵa jýyq páter) turǵyn úıdi paıdalanýǵa berý josparlanǵan. Osylaısha elordadaǵy qoljetimdi turǵyn úılerdiń kólemi 3 ese artqan, dep habarlady qalalyq qurylys basqarmasynyń qurylys bólimi basshysy Jan Myrzaǵalı.
Sonymen qatar «Qazaqstan ıpotekalyq kompanııasy» AQ arqyly bilim berý jáne densaýlyq saqtaý salasynyń qyzmetkerleri úshin 1 200-den asa páter tapsyrýdy josparlap otyr. 2019 jyly Nur-Sultanda 1 634 páter, 141,7 myń sharshy metr turǵyn úı paıdalanýǵa berildi jáne 1 599 páter, onyń ishinde jumys isteıtin jastarǵa 1 050 páter berildi.
