Nur-Sultanda kólik urlap, 2 adamdy qaqqan kúdikti eki aıǵa qamaldy
NUR-SULTAN. QazAqparat – Elordada taksı kóligin urlap, keıinnen eki jaıaý júrginshini qaǵyp ketken kúdikti eki aıǵa qamaýǵa aldyndy, dep habarlaıdy QazAqparat qalalyq sotqa silteme jasap.
«Nur-Sultan qalasy arnaıy mamandandyrylǵan aýdanaralyq soty atalǵan kúdiktige qatysty tergeý materıaldaryn qarady. Tergeý sharalary aıaqtalǵansha kúdiktini eki aı qamaýda ustaý bultartpaý sharasy qoldanyldy», - dedi QazAqparat tilshisine elordalyq sottyń baspasóz qyzmeti.
Budan buryn habarlanǵandaı, jol-kólik oqıǵasy saldarynan 48 jastaǵy áıel oqıǵa ornynda kóz jumdy. 2005 jyly týǵan jasóspirim túrli dene jaraqatymen aýrýhanaǵa jatqyzyldy.
Elordalyq polıtsııa departamentiniń bastyǵy Erjan Sádenovtiń sózine qaraǵanda, 23 jastaǵy kúdikti osyǵan deıin birneshe ret sotty bolǵan. 2013 jyly tonaý faktisi boıynsha, sodan keıin urlyq úshin is qozǵalǵan.
QR QK 345-baby («Adam ólimine ákep soqqan kólik quraldaryn paıdalaný qaǵıdalaryn buzýy») jáne 200-baby («Avtomobıldi nemese ózge de kólik quralyn jymqyrý maqsatynsyz quqyqqa syıymsyz ıelenip alý») boıynsha sotqa deıingi tergeý jumystary júrip jatyr.
