Nur-Sultanda Qazaqstan mashına jasaýshylarynyń VII forýmy ótip jatyr
NUR-SULTAN. QazAqparat – Elordada Qazaqstan mashına jasaýshylarynyń VII forýmy ótip jatyr, dep habarlaıdy QazAqparat tilshisi.
Forýmdy QR Indýstrııa jáne ınfraqurylymdyq damý mınıstrligi men Qazaqstan mashına jasaýshylar odaǵy, «Samuryq-Qazyna» UÁQ» AQ uıymdastyrǵan. Bıyl forým «Mashına jasaý – Qazaqstandy ındýstrııalandyrý draıveri» uranymen ótedi.
«Paneldik sessııalarda, salalyq basqosýlarda qyzý talqylaýlar óter degen senimdemiz. Bul alańda mańyzdy sheshimder qabyldanady. Máselen, ótken jyly 2019-2024 jylǵy mashına jasaý salasyn damytýdyń Jol kartasy, kólik quraýshylarǵa salyqtyq jeńildik berý sekildi sheshimder qabyldanǵan bolatyn. Osyndaı jemisti jumystar búgin jalǵasyn tabar degen senimdemiz», - dedi sharanyń ashylýynda Qazaqstan mashına jasaýshylar odaǵynyń basqarma tóraǵasy Meıram Pishembaev.
Shara barysynda otandyq kólik quraý kásiporyndarynyń ókilderi «Qurmetti mashına jasaýshy» tósbelgisimen marapattaldy.
Jyl saıyn forýmǵa Germanııa, AQSh, Japonııa, Italııa, Chehııa, Reseı, Qytaı sekildi iri 20 memlekettiń delegattary qatysady. Osylaısha, otandyq kásiporyndar elden shyqpaı-aq sheteldik áriptesterimen kezdesý ótkizýge múmkindik alady.
Aıta keterligi, ındýstrııalandyrý jyldary mashına jasaý jáne metall óńdeý salasynda Qazaqstanda 130 jańa kásiporyn iske qosylyp, 14 myńǵa tarta turaqty jumys oryny qurylǵan.
