Nur-Sultanda qazaq tarıhyna arnalǵan eki kitap tanystyryldy

NUR-SULTAN. QazAqparat - Búgin elordada «Álemdik orıentalıstıkadaǵy Qazaqstan» jáne «Stepnye vlastıtelı ı ıh dıplomatııa v XVIII-HІH vekah» kitaptarynyń tusaýkeseri boldy. Shara QR Prezıdenti janyndaǵy Qazaqstannyń strategııalyq zertteýler ınstıtýtynda ótti, dep habarlaıdy QazAqparat tilshisi.

Ǵalymdardyń bul eńbekterinde Qazaqstannyń kópǵasyrlyq tarıhı, mádenı murasyn saqtaý, tereń zerdeleý jáne uǵyný, onyń ózekti kezeńderin, halyq tarıhy men el bolashaǵyna úlken áser etken beıneler men esimderdi ashý qajettigi týraly Elbasynyń «Bolashaqqa baǵdar: Rýhanı jańǵyrý» jáne «Uly dalanyń jeti qyry» atty baǵdarlamalyq maqalalarynyń ıdeıalary júzege asyrylǵan.

«Bul kitap jahandyq ǵylym, álemdik shyǵystaný turǵysynda qazaqtardyń, qazaq halqynyń álemdik tarıhtaǵy orny men rólin aıqyndaýǵa arnalǵan. Sonymen qatar, atalǵan eńbegimde kóshpeli halyqtardyń ishindegi qazaqtardyń orny men rólin, ózge kóshpeli halyqtardan erekshelikterin kórsetýge tyrystym», - dedi «Álemdik orıentalıstıkadaǵy Qazaqstan» kitabynyń avtory, saıası ǵylymdar doktory, professor Murat Laýmýlın.

Aıta keterligi, bul kitapta ǵalymnyń 30 jyl boıy tirnektep jınaǵan eńbekteri jınaqtalǵan.

Al tarıh ǵylymdarynyń doktory, professor Klara Hafızovanyń «Stepnye vlastıtelı ı ıh dıplomatııa v XVIII-HІH vekah» monografııasy qazaq memlekettiligin, aýmaqtyq tutastyǵy men ulttyq birligin saqtaý boıynsha eki ǵasyr ishinde Qazaq handyǵy bıleýshileri úsh urpaǵynyń qyzmetine arnalǵan.