Nur-Sultanda karate jáne para karateden respýblıkalyq ınklıýzıvti týrnır ótti
NUR-SULTAN. QazAqparat - Elordadaa WKF karate jáne para karateden 6 jastan asqan barlyq jastaǵy sportshylardyń onynshy respýblıkalyq ınklıýzıvti týrnır ótti, dep habarlaıdy QazAqparat qala ákimdiginiń resmı saıtyna silteme jasap.
Jarysqa Nur-Sultan, Shymkent qalalary, Aqmola oblysy, Batys Qazaqstan oblysy, Jambyl oblysy, Qostanaı oblysy, Qaraǵandy oblysy, Almaty oblysy, Qyzylorda oblysynan sportshylar qatysty.
«Týrnırge balalar, jastar jáne múgedektiktiń barlyq túri bar eresekter (arbamen júretin, sańyraý, aqyl-esi kem, BTsP, aýtızm) qatysty, sondaı-aq deni saý sportshylar qatar óner kórsetti. WKF karate jáne para-karateden respýblıkalyq ınklıýzıvti týrnır bıyl ekinshi jyl ótip jatyr. Buryn densaýlyǵy jaqsy balalar arasynda ǵana ótetin. Jarysqa 250 sportshy qatysty, sonyń 50-iniń múgedektigi bar. Olar karateni jaqsy kóredi jáne aınalysqysy keledi», – deıdi parakarate federatsııasynyń prezıdenti Meıramgúl Dýkýeva.
«Nur-Sultanda parakarateniń kata túrinen alǵash ret shyǵyp, birinshi oryn aldym. Múgedek jandarǵa aıtarym: úıde otyrmaı, sportqa kelińder», – deıdi jarysqa qatysýshy Azon Shaımardanov.
Týrnırdiń uıymdastyrýshylary: QR Sport jáne dene shynyqtyrý isteri komıteti, «Parakarate federatsııasy» RQB, WKF karate-do jáne Nur-Sultan qalasynyń dástúrli jaýyngerlik óner federatsııasy.
