Nur-Sultanda karantındegi olqylyqtardy retteý úshin jazǵy mektepter ashylady
NUR-SULTAN. QazAqparat – Elordada oqytý sapasyn arttyryp, shekteý sharalary kezinde jiberilgen olqylyqtardyń ornyn toltyrý úshin jazǵy mektepter ashylady, dep habarlaıdy QazAqparat tilshisi.
Bul týraly Nur-Sultan qalasy Bilim berý basqarmasy basshysynyń orynbasary Rımma Imanǵazınova aıtyp berdi.
«26 mamyrdan 19 maýsymǵa deıin ata-analardyń ótinishimen barlyq tilek bildirgen oqýshylar úshin oqytý sapasyn arttyrý jáne shekteý sharalary kezindegi bilim alýda jiberilgen olqylyqtardyń ornyn toltyrý, sondaı-aq oqýshylardyń fızıkalyq jáne emotsıonaldyq densaýlyǵyn qalpyna keltirý maqsatynda onlaın-offlaın rejıminde jazǵy mektep uıymdastyrylady. Jazǵy mektep bilim alýda jiberilgen olqylyqtardyń ornyn toltyrýǵa, komandalyq oqý daǵdylaryn ıgerýge, ótken oqý mterıalyn sapaly meńgerýge, oqýǵa degen yntany arttyrýǵa múmkindik beredi», - dedi R. Imanǵazınova elorda ákimdiginde ótken onlaın brıfıngte.
Sondaı-aq, bolashaq 1-synyp oqýshylaryn daıarlaý maqsatynda ár mektepte tamyzdan bastap, eki aptalyq «Balaqaı» mektebi uıymdastyrylady.
Budan basqa, 1 maýsym men 25 tamyz aralyǵynda balalarǵa bilim berý uıymdary bazasynda onlaın alańdar qoljetimdi bolady. Naqty qurylǵan jumys balalarǵa tańerteńnen bastap, qyzyqty jáne paıdaly bilim alýǵa múmkindik beredi. Munda balalar baǵdarlamalaý, dızaın, júıelik basqarý, oıyndar ázirleý jáne basqa da IT-baǵyttarda ózderin synap kóre alady.
Aıta keteıik, bıyl balalar úshin jazǵy demalys QR BǴM usynǵan «Qazaqstan balalary – jazdy qýanyshqa toltyraıyq» taqyrybymen uıymdastyrylady. 1-30 maýsym aralyǵynda Oqýshylar saraılary janynda jazǵy demalys akademııasynda, kórkem jáne mýyzkalyq mektepterde, tehnıkalyq jáne shyǵarmashylyq ortalyqtarda, «Art tumar» ortalyǵynda úıirmeler men sektsııalar ashylady.
