Nur-Sultanda qansha bala koronavırýstan emdelip jatyr
NUR-SULTAN. QazAqparat – Nur-Sultanda balalar arasynda koronavırýs ınfektsııasynyń aýyr jaǵdaıy tirkelgen joq. Bul týraly Nur-Sultan qalasy Qoǵamdyq densaýlyq saqtaý basqarmasynyń basshysy Tımýr Muratov aıtyp berdi, dep habarlaıdy QazAqparat tilshisi.
«Qazir qalalyq statsıonarlarda 39 bala jatyr. Bul – 0 jastan 18 jasqa deıingi kontıngent. Ádette, olar ata-analarymen birge aýrý juqtyrady jáne birge emdeledi. Balalar arasynda koronavırýs aýrýynyń aýyr jaǵdaıy tirkelgen joq, ólim-jitim de bolǵan joq», - dep jaýap berdi spıker elorda ákimdiginde ótken brıfıngide tilshi suraǵyna.
Aıta keteıik, sáýir aıynda jalpy syrqattaný qurylymyndaǵy balalardyń úlesi 0,8%-ǵa azaıdy, bul ásirese 7-10 jas aralyǵyndaǵy topqa qatysty qabyldanǵan shekteý sharalarynyń tıimdiligin kórsetedi, onda tómendeý 5%-dan 4%-ǵa deıin boldy. Balalar arasynda eń joǵary aýrýshańdyq 3-10 jas tobynda 54,5%-dy quraıdy.
