Nur-Sultanda qalyń qar jaýyp, boran soǵady
NUR-SULTAN. QazAqparat - Sınoptıkter elordada 12-15 aqpan kúnderi jaýyn-shashyn, boran jáne ekpindi jel bolady dep boljap otyr. Bul týraly Nur-Sultan ákimdiginiń resmı saıty «Qazgıdromet» RMK-ǵa silteme jasap habarlaıdy.
Erteń, 12 aqpanda Nur-Sultanda kóshpeli bult shyǵady, qar jaýyp, boran soǵady.
Ońtústik-shyǵystan 9-14 m/s jyldamdyqpen jel soǵady, kúndiz ekpini 15-20 m/s jetedi, aýa temperatýrasy túnde 15-17, kúndiz 4-6 gradýs aıaz bolady.
13 aqpanda kóshpeli bult shyǵady, keı tustarda qar jaýyp, burqasyn bolady dep boljanyp otyr.
Ońtústik-batystan 9-14 m/s jel soǵyp, ekpini 15-20 m/s jetedi, aýa temperatýrasy túnde 8-10, kúndiz 3-5 gradýs aıaz bolady.
Dúısenbi, 14 aqpan kúni sınoptıkterdiń boljamynsha, kúndiz qar jaýyp, boran soǵady.
Ońtústik-batystan 9-14 m/s jel soǵady, ekpini 15-20 m/s jetedi, aýa temperatýrasy túnde 6-8, kúndiz 1-3 gradýs aıaz bolady.
