Nur-Sultanda qalaı onlaın jumysqa ornalasýǵa bolady

NUR-SULTAN. QazAqparat - «Jumyspen qamtýdyń jol kartasy – 2020» baǵdarlamasy boıynsha birneshe apta ishinde 2 370 adam jumysqa ornalasty, dep habarlaıdy elorda ákimdiginiń resmı saıty.

«Siz cz.astana.kz portalynyń DKZ 2020 bóliminde jobalardyń tizimin qarap, ózińizge sáıkes bos jumys orynyn tańdaı alasyz», – dep jazdy qala ákiminiń orynbasary Malıka Bekturova óziniń Telegram arnasynda .

Sonymen qatar, bul qyzmetti oflaın rejımde alýǵa bolady. Ol úshin Smart Astana mobıldi qosymshasy arqyly jumyspen qamtý ortalyǵyna onlaın-kezekke turý qajet. Ári qaraı maman bos jumys oryndarynyń tizimin usynyp, jumys izdeýshi retinde tirkeıdi jáne áńgimelesýge joldama beredi.

Tolyq aqparatty «Atameken» UKP mobıldi jumyspen qamtý ortalyqtarynan, myna mekenjaılar boıynsha alýǵa bolady: Bógenbaı batyr dańǵyly, 6/5; Alash tas joly 31/1; Gete kóshesi, 1; N. Tilendıev dańǵyly 24; Abylaıhan dańǵyly, 31; Sh.Ýálıhanov kóshesi, 24; Qabanbaı batyr dańǵyly, 21; Shalkóde kóshesi, 1.