Nur-Sultanda qalamańy avtobýstary qatynaı bastaıdy
NUR-SULTAN. QazAqparat - 1 maýsymnan bastap Nur-Sultan qalasynan barlyq qalamańy baǵyttaryna jolaýshylar avtobýstary qatynaı bastaıdy, dep habarlaıdy QazAqparat tilshisi.
«Qoǵamdyq kólik saǵat 06:00-22:00 aralyǵynda júredi. Avtobýstar ádettegideı dezınfektsııalanady. Júrgizýshiler qaýipsizdik sharalaryn saqtaıdy: betperde taǵady, qolǵap kıedi jáne antıseptık paıdalanady. Sanıtarlyq normalardy saqtaý, ıaǵnı betperde taǵý jolaýshylardan da suralady. QR Bas sanıtarlyq dárigeriniń 10 mamyrdaǵy qaýlysyna sáıkes, jolaýshylarǵa qoǵamdyq kólikke betperdesiz kirýge bolmaıdy», - delingen CTS kompanııasy taratqan aqparatta.
Kompanııa málimetinshe, QR Bas sanıtarlyq dárigeri qaýlynyń oryndalýyn kóliktik baqylaý departamentiniń qyzmetkerleri baqylaıdy. Olar qoǵamdyq kóliktegi sanıtarlyq normalar týraly túsindirý júmystaryn jolaýshylarmen kúndelikti júrgizedi. Jolaýshy betperde taǵýdan bas tartqan jaǵdaıda, avtobýstan túsý suralady.
Júrgizýshilerge avtobýstaǵy júkteme 50 paıyz aspaýy kerek degen talap saqtalady.
Jol aqysyn qolma-qol aqshasyz júrgizý qajet. Ol úshin kóliktik karta, balama tólem túrleri qarastyrylǵan – SMS, QR-kod jáne mobıldi qosymshalar.
Esterińizge sala keteıik, 28 naýryzdan bastap qosymsha tarıfter engizildi. 18 jasqa deıingi balalar kóliktik kartamen elordanyń qoǵamdyq kóliginde tegin júredi.
