Nur-Sultanda qalaaralyq avtobýstardyń qozǵalysyna tyıym salyndy
NUR-SULTAN. QazAqparat - Nur-Sultannan shyǵatyn qalaaralyq avtobýstardyń qozǵalysyna tyıym salyndy. Bul týraly elorda ákimi Altaı Kólginov aıtty, dep habarlaıdy QazAqparat tilshisi.
«Azamattardyń qaýipsizdigin qamtamasyz etý maqsatynda karantın engizýdi usyndyq. Búgin Premer-Mınıstrdiń tóraǵalyǵymen memlekettik komıssııanyń otyrysy ótti. Komıssııa otyrysynyń qorytyndysyna sáıkes, 2020 jyldyń 19 naýryzynda saǵat 00.00-den bastap elorda aýmaǵyda karantın engizý týraly sheshim qabyldandy. Bul degenimiz - shekteý men baqylaý sharalary qaýipsizdik maqsatynda kúsheıtiledi. Mysaly, avtovokzaldarda qalaaralyq avtobýstardyń qozǵalysyna tyıym salyndy», - dedi Altaı Kólginov.
Onyń aıtýynsha, elorda aýmaǵyna kirip-shyǵatyn jerlerde shekteý qoıylady. Kóliktiń barlyq túrleri kirip-shyǵatyn jerlerde koronavırýs ınfektsııasyn juqtyrdy dep kúdik keltirilgen nemese juqtyrǵan adamdardy anyqtaýǵa arnalǵan qosymsha beketter ornatylady.
«Karantın men komendanttyq saǵatty shatastyrmaýǵa shaqyramyz. Sebebi, karantın - ol shekteý qoıý. ıAǵnı, qajet bolmaǵan jaǵdaıda adamdar kóp shoǵyrlanǵan jerlerge azamattardyń barýyna shekteý qoıylady. Eń aldymen, tártipke, odan keıin bizdiń nusqaýlarymyzdy, Densaýlyq saqtaý mınıstriniń nusqaýyn qatań ustanýǵa shaqyramyz», - dedi ol.
Aıta keteıik, 19 naýryzdan bastap Nur-Sultan men Almaty qalalarynda karantın engiziledi.
foto: obk.kz
