Nur-Sultanda ıtti uryp jatqan er adam beınejazbaǵa túsip qaldy

NUR-SULTAN. QazAqparat – Nur-Sultan qalasynda kóshede ıtti urǵan er adamǵa izdeý salyndy. Osyǵan qatysty astanalyq Polıtsııa departamenti túsinikteme berdi, dep habarlaıdy QazAqparat tilshisi.

Instagram áleýmettik paraqshasynda jarııalanǵan beınejazbada belgisiz er adamnyń ıtti tómpeshtep uryp jatqany baıqalady.

Oqıǵa Nur-Sultan qalasynda oryn alǵan. Búginde astanalyq Polıtsııa departamenti kinálini izdestirip jatyr.

«Beınejazbadaǵy oqıǵa ótken jyldyń jeltoqsan aıynda oryn alǵan. Qazirgi tańda atalǵan fakti boıynsha tekserý jumystary júrip jatyr. Kináli azamat tabylyp, jazaǵa tartylatyn bolady», - dep habarlady Polıtsııa departamentinen.