Nur-Sultanda ınklıýzıvti shyǵarmashylyq kórme ótip jatyr
Kórmege keskindeme, grafıka, ınstallıatsııa stılinde oryndalǵan jumystar qoıyldy.
«BYTEREKTE» – Qazaqstan Respýblıkasy Táýelsizdiginiń 30 jyldyǵyna arnalǵan ınklıýzıvti shyǵarmashylyq kórmesi. Bul kórmede 4-23 jas aralyǵyndaǵy 40-qa jýyq jas sýretshilerdiń jumysy usynyldy. Onda keskindeme, grafıka, ınstallıatsııa, keramıka tehnıkalaryndaǵy jumystar qoıyldy», – dedi E15 ARTSPACE óner mektebiniń muǵalimi Gúlmaral Tátibaeva.
Kórmede usynylǵan jumystardy «Báıterek» monýmentine kelýshilerdiń bári tamashalaı alady.
Mysaly, Ásııa Nııazova otbasymen elordaǵa Almatydan qydyryp kelgen.
«Biz Almaty qalasynan keldik, «Báıterekke» barǵymyz keldi. Munda jas sýretshilerdiń shyǵarmashylyǵyn tamashaladyq. Olardyń jumystary unady. Meniń de balalarym sýret salǵandy unatady jáne sýretshi bolǵysy keledi. Munda kórme ótip jatqanyna qatty qýandyq», – deıdi ol alǵan áserin bólisti.
Nuraıym Shymyrbek bala kúninen sýret salýmen aınalysady, onyń jumystary kórmege qoıylǵan.
«Súıikti hobbıim – sýret salý. Bala kúnimnen sýret salamyn jáne sýret salý - demalý men tynyǵý tásilderiniń biri dep senimdi túrde aıta alamyn. Bul kórme meniń rýhanı jáne shyǵarmashylyq damýyma septigin tıgizedi dep oılaımyn», – dep atap ótti jas sýretshi.
Aıta keteıik, teatr festıvali elordada 28 qazanda bastalyp, 3 qarashaǵa deıin jalǵasady.
El Táýelsizdiginiń 30 jyldyǵyna oraı onyń alańynda elordanyń 14 teatry men Reseıden shaqyrylǵan ujymdardyń 30-ǵa jýyq qoıylym kórsetiledi.
Sondaı-aq, festıval baǵdarlamasynda akterlik master-klass, beıneleý óneri kórmeleri ótedi.
Festıval qatysýshylary men qonaqtarynyń densaýlyq qaýipsizdigin qamtamasyz etý maqsatynda is-sharalarǵa kirý Ashyq qosymshasy arqyly júzege asyrylady.
