Nur-Sultanda ınfektsııalyq tósek-oryn júktemesi 58%-ǵa deıin tómendedi
NUR-SULTAN. QazAqparat - Nur-Sultanda koronavırýspen aýyratyn naýqastar úshin qosymsha ashylǵan oryndardyń arqasynda tósek-oryn júktemesi 71%-dan 58%-ǵa deıin tómendedi, dep habarlaıdy elorda ákimdiginiń baspasóz qyzmeti.
Máselen, búgin tańerteń KVI-men kúresý úshin jalpy sany 2 505 orny bar 14 statsıonar ashylyp, júkteme 71%-dy qurasa, onda jańa ınfektsııalyq oryndar ashylǵannan keıin júkteme 58%-ǵa tómendedi. Qazirgi ýaqytta ashylǵan ınfektsııalyq tósek sany úsh myńnan asady.
Esterińizge sala keteıik, buǵan deıin koronavırýspen aýyrǵandardyń kóbeıýine baılanysty qalada eki aýrýhana ınfektsııalyq statsıonarǵa aýystyrylǵan bolatyn. Olar: Qalalyq psıhıkalyq densaýlyq ortalyǵy jáne QR Qorǵanys mınıstrliginiń Bas áskerı klınıkalyq gospıtali. Jalpy tósek-oryn qýaty: 300 oryn.
Búgin, ıaǵnı 9 shildeden bastap №1 Kópbeıindi qalalyq aýrýhana kovıdtik statsıonar retinde iske qosyldy. Bul aýrýhanada taǵy 600 tósek-oryn ashyldy.
Vaktsınatsııa men sanıtarlyq normalardy saqtaý arqyly ǵana óz densaýlyǵyńyzdy, sondaı-aq jaqyndaryńyz ben aınalańyzdaǵy jurtty qorǵaı alasyz.
