Nur-Sultanda iKomek 109 jáne iQala jumysy kúsheıtildi
«Bıyl iKomek 109 biryńǵaı baılanys-ortalyǵy men «iQala» qalalyq qyzmet kórsetý ortalyǵynyń jumysy kúsheıtildi. Tótenshe jaǵdaı rejımi kezinde blok beketterdegi toqtaýsyz jumys, dári-dármek tasymaly kezinde jáne sanıtarlyq dárigerdiń qaýlysyn túsindirý sııaqty basqa da sharalar boıynsha úzdiksiz jumystar júrgizildi.
iKomek 109 karantın kezinde elordadaǵy ómirlik mańyzy bar suraqtar boıynsha biryńǵaı jedel jeli boldy. Koronavırýs órshigen kezde dári-dármek pen qorǵanysh zattaryn alý jóninde qart adamdar tarapynan da kóptegen qońyraý tústi. Eger ótken jyly koll-ortalyqqa 1 mln 600 myń shaǵym tússe, bıyl onyń sany 2 mln 200 myńǵa jetti.
Tótenshe jaǵdaı kezinde jedel jumystardy jaqsartý úshin mamandar sany eki esege kóbeıtildi. Olardyń mınýt saıynǵy eńbeginiń arqasynda elorda turǵyndary karantındik sharalar, qalaǵa kirý jáne shyǵý, nysandardyń jumys rejımi sııaqty mańyzdy jańalyqtar men ózgerister týraly habardar bolyp otyrdy. Ortalyqta biz, sondaı-aq múmkindigi shekteýli jandardy jumyspen qamtamasyz etemiz.
Tótenshe jaǵdaı kezinde blok beketterdegi qalaǵa kirý jáne shyǵý tolyqtaı avtomattandyryldy: elektrondy bazaǵa tek «jasyl dáliz» boıynsha ǵana kirýge quqyly kólikterdiń nómiri tirkeldi. Bul kólikterdiń azyq-túlikpen, sonymen qatar qalanyń mańyzdy salalaryna atsalysatyn jumyskerler tiziminde bar adamdarmen ǵana kirip-shyǵýǵa múmkindigi boldy. Bul elektrondyq jumysty sol sııaqty «iQala» qalalyq qyzmet kórsetý ortalyǵy da uıymdastyrdy. Sondaı-aq TJ kezinde ShOB ókilderinde de saıt arqyly qala ishinde júrip-turýǵa quqyǵy berildi.
«iQala» ortalyǵy «bir tereze» qaǵıdasy boıynsha qyzmet kórsetedi. Mysaly, kásipkerler nemese jeke tulǵalar bir orynda jaryq, sý, jylý, qoqys shyǵarý jáne t.b. boıynsha qyzmet ala alady. Karantın ýaqytynda ortalyqtyń saıty arqyly elektrondy túrde qyzmet alý jeńildetildi. Ortalyqta 150-den asa qyzmet kórsetiledi. Eger 2019 jyly 3 600 qyzmet kórsetilse, 2020 jyly 69 myńnan asa qyzmet kórsetildi. Kórsetiletin qyzmetti arttyrý úshin ári qaraı da jumys júrgizemiz.
Mańyzdy jumystardy atqaryp otyrǵan atalǵan uıymdardyń ujymyna alǵysymdy bildiremin! Qyzmet kórsetýdi jaqsartý, jumyskerlerge eńbek shartyn qurý jóninde ári qaraı da jumys isteıtin bolamyz», - dep jazdy Altaı Kólginov.
