Nur-Sultanda Hokkeıden álem chempıonaty bastaldy
NUR-SULTAN. QazAqparat - Elordada «A» tobynyń birinshi dıvızıony arasynda Hokkeıden álem chempıonaty bastaldy, dep habarlaıdy QazAqparat tilshisi.
«Elordamyz Nur-Sultan qalasy tuńǵysh ret qabyldap otyrǵan bul báseke 5 mamyrǵa deıin ótedi. Hokkeıden álem birinshiligi eń joǵary deńgeıde ótedi dep oılaımyn. Chempıonat qutty bolsyn!», - dedi chempıonattyń ashylý rásiminde sóz sóılegen QR Mádenıet jáne sport vıtse-mınıstri Eldos Ramazanov.
«Barys Arena» muz aıdynynda ótip jatqan chempıonattyń ashylý saltanatynda ánshi Gúlnur Orazymbetov án shyrqap, mánerlep syrǵanaýshylar tobynyń álem birinshiligine arnaıy ázirlegen óneri kórsetildi.
Qazirgi ýaqytta Qazaqstan men Slovenııa oınap jatyr. Oıynda QR Premer-Mınıstri Asqar Mamın, QR Ulttyq qaýipsizdik komıtetiniń tóraǵasy Kárim Másimov tamashalaýda.
