Nur-Sultanda halyqtyń 9,4% koronavırýsqa qarsy egildi

NUR-SULTAN. QazAqparat – Nur-Sultan qalasynyń bas memlekettik sanıtarlyq dárigeri Sarhat Beısenova elordada qansha adamnyń ekpe alǵanyn aıtyp berdi, dep habarlaıdy QazAqparat tilshisi.

Dárigerdiń aıtýynsha, qalada 100-den astam ekpe kabıneti jumys istep tur. Barlyq medıtsınalyq qyzmet lıtsenzııalanady, qoǵamdyq densaýlyq saqtaý basqarmasy egý kabınetterin ornalastyrýǵa ýaqytsha ruqsat alatyn bekitilgen qalalyq emhanalar túrinde jappaı vaktsınatsııany uıymdastyrýǵa jaýap beredi.

«9 maýsymdaǵy jaǵdaı boıynsha qala halqynyń 9,4%-y nemese 111 683 adam eki komponentti tolyq aldy. Birinshi komponentpen 169 632 adam nemese 14,3% qamtylǵan. Saýda jáne oıyn-saýyq ortalyqtary, saýda úıleri janyndaǵy ýaqytsha egý pýnktterinde birinshi komponentpen 19 742 adam nemese barlyq egilgen halyqtyń 11,6%, ekinshi komponentpen – 9109 adam nemese 8,1% egildi», - dedi Sarhat Beısenova ákimdikte ótken brıfıng barysynda.

Aıta keteıik, 10 maýsymnan bastap oqshaýlaý rejımin buzǵan turǵyndarǵa 87 510 teńge aıyppul salynady.