Nur-Sultanda Halyqaralyq taldaý ortalyǵynyń tusaýy kesildi

NUR-SULTAN. QazAqparat - Elordada «HHІ ǵasyr. Kóppolıarly álem. Úılesimdi izdeý» taqyrybynda ótip jatqan halyqaralyq konferentsııa barysynda «Shyǵys-Batys» Halyqaralyq geosaıası boljaý ortalyǵynyń tusaýy kesildi, dep habarlaıdy QazAqparat tilshisi.

Jańadan ashylǵan ortalyqtyń prezıdenti, saıası ǵylymdar doktory, professor Qarlyǵash Nuǵymanova atap ótkendeı, ortalyq álemdik tájirıbelerdi esepke ala otyryp, geosaıasat boıynsha ishki jáne halyqaralyq problemalardy talqylap, taldaý úshin jumysyn bastaǵaly otyr.

«Bizdiń ortalyq - geosaıasat salasyndaǵy zertteýlerdi júrgizý úshin qurylǵan táýelsiz ınstıtýt sanalady. Bul ınstıtýt akademııalyq álem men bıliktiń arasyndaǵy synı vakýýmdy toltyratyn bolady. Onyń baǵyty sarapshylyq jumystyń aıtarlyqtaı segmentin qamtyǵaly otyr. Ortalyqta saıası manıfester jarııalanyp, elimizdiń qoǵamdyq ómirinde jáne álemdik arenada belsendi jumys júrgizedi», - deıdi Qarlyǵash Nuǵymanova.

Elordadaǵy eki kúndik halyqaralyq konferentsııaǵa álemniń 12 eliniń abyroıly taldaý qurylymdarynyń 17 jetekshi sarapshysy, QR Úkimetiniń, Syrtqy ister mınıstrliginiń, Qorǵanys mınıstrliginiń ókilderi qatysýda. Olar kóppolıarly álemniń jetken tabysyn, Shyǵys pen Batystyń jaqyndasýyn, EAEO men EO arasyndaǵy kelisimderdi jandandyrý sekildi máselelerdi talqylaıtyn bolady.

«HHІ ǵasyr. Kóppolıarly álem. Úılesimdi izdeý» halyqaralyq konferentsııasy «Hilton Astana EXPO» qonaq úıinde ótýde.