Nur-Sultanda halyqaralyq kórme ortalyǵy ashyldy
NUR-SULTAN. QazAqparat – Elordada «EXPO» atty jańa halyqaralyq kórme ortalyǵy jumys isteı bastady, dep habarlaıdy QazAqparat tilshisi.
«Bul jer «Astana EKSPO -2017» kórmesi kezinde qoıma bolǵan. Keıin qoımany tıimdi paıdalaný maqsatynda oılastyra kele, kórme ortalyǵyn ashý týraly sheshim qabyldandy. Bul ortalyqta kishigirim ǵana emes, keń aýqymdy halyqaralyq deńgeıdegi kórmelerdi de uıymdastyrý múmkindigi bar. Osy sekildi kórme ortalyǵy Qazan qalasynda bar jáne Tashkentte endi salynyp jatyr, biraq onyń formaty basqa. Kórme ortalyǵynyń taǵy bir ereksheligi - keńdigi. ıAǵnı kez kelgen formattaǵy sharany uıymdastyrýǵa yńǵaıly. Mysaly, kesheden bastap «Automechanika Astana 2021» atty halyqaralyq avtomobılder kórmesi ótip jatyr», - dedi «QazExpoCongress» ulttyq kompanııasy AQ basqarma tóraǵasy Allen Sháıjúnisov BAQ ókilderine arnalǵan baspasóz týrynda.
Kórme ortalyǵynyń jalpy aýmaǵy - 13 myń sharty metr.
«Kórme ortalyǵy ótken jyldyń qyrkúıek aıynda iske qosyldy, degenmen pandemııaǵa baılanysty buǵan deıin qandaı da bir is-shara ótkizý múmkin bolmady. Endi ǵana alǵash shara ótip jatyr. Odan bólek, aldaǵy ýaqytqa josparlanǵan is-sharalar jospary bar, degenmen onyń ótý-ótpeýi eldegi pandemııalyq jaǵdaıǵa baılanysty», - deıdi ol.
Aıta ketsek, atalǵan halyqaralyq kórme ortalyǵynda Automechanica Astana jáne Futuroad Expo Astana halyqaralyq kórmesi ashyldy.
Kórme 26 maýsymǵa deıin jalǵasady.
Buǵan deıin elordadaǵy EXPO iskerlik ortalyǵy aýmaǵynda «Tsıfrlyq úkimet» keńsesi ashylatynyn habarlaǵan bolatynbyz.
