Nur-Sultanda geroın satyp kelgen 35 jastaǵy azamat ustaldy

NUR-SULTAN. QazAqparat - Elordada esirtkini taratý arnasyn tejeýge baǵyttalǵan shara barysynda buryn sottalǵan 35 jastaǵy er adam ustaldy. Tintý kezinde odan 200 dozadan turatyn 60 g geroın tárkilendi, dep habarlaıdy QazAqparat.

Ol esirtkini elorda aýmaǵyna satpaq bolǵan. Tárkilengen kóknárdiń qara naryqtaǵy baǵasy - 800 myń teńge.

Atalǵan fakti boıynsha QR QK 279-baby boıynsha sotqa deıingi tergeý amaldary bastaldy.

Qazirgi ýaqytta kúdikti Nur-Sultan qalasy polıtsııa departamentiniń ýaqytsha ustaý ızolıatorynda qamaýda.

Nur-Sultan qalasy polıtsııa departamentiniń esirtki bıznesine qarsy basqarmasy jyl basynan beri sıntetıkalyq esirtkimen baılanysty 55 qylmysty anyqtady.