Nur-Sultanda geroın satqan 53 jastaǵy áıel ustaldy

NUR-SULTAN. QazAqparat – Nur-Sultan qalasynyń polıtseıleri esirtki dılerin ustady, dep habarlaıdy QazAqparat Nur-Sultan qalasy polıtsııa departamentiniń baspasóz qyzmetine silteme jasap.

«27-29 sáýir kúnderi elorda aýmaǵynda «Quqyqtyq tártip» aldyn alý sharasy ótkizildi. Onyń maqsaty – qoǵamdyq tártiptiń saqtalýyn qadaǵalaý, kósheler men basqa qoǵamdyq oryndarda qylmystyń aldyn alý jáne oǵan jol bermeý. Osylaısha, jedel is-sharalardy ótkizý kezinde polıtseıler elorda aýmaǵynda esirtki jetkizý jáne satý arnasyn joıdy. Kúndiz dámhananyń janynan esirtki dıleri – 53 jastaǵy áıel ustaldy. Tekserý kezinde odan satý úshin daıyndap qoıǵan geroın salynǵan 7 polıetılen túıinshek anyqtaldy. Ol esirtkini ish kıimine jasyryp qoıǵan. Sondaı-aq áıeldiń turǵylyqty jerin tekserý kezinde onda salmaǵy 2,71 gramm geroın anyqtalǵan. Alynǵan esirtkiniń jalpy salmaǵy 20,01 gramdy qurady. Jalpy alǵanda, tártip saqshylary zańsyz aınalymnan geroınniń 100-ge jýyq birjolǵy dozasyn shyǵardy», - dep baıandady polıtsııada.

Kúdikke ilingen áıel ýaqytsha oqshaýlaý abaqtysyna qamaldy, QR Qylmystyq kodeksiniń 296-babynyń 4-bólimi (Asa iri kólemdegi esirtkilik zattardy zańsyz saqtaý) boıynsha tergeý amaldary júrgizilýde.