Nur-Sultanda gaz toltyrý stantsııasyndaǵy órtten 4 adam zardap shekti
NUR-SULTAN. QazAqparat – Elordada bolǵan órtten 4 adam zardap shekti, dep habarlaıdy QazAqparat qalalyq Tótenshe jaǵdaılar departamentiniń baspasóz qyzmetine silteme jasap.
Departamenttiń baspasóz qyzmetiniń málimetterine qaraǵanda, 25 shilde kúni saǵat 22-05-te 101 pýltine Qobda kóshesi 6 mekenjaıynda órt bolyp jatqany týraly habarlama túsken.
Oqıǵa ornyna jedel túrde Nur-Sultan qalasynyń TJD qutqarýshylary jiberildi.
Órt sóndirýshiler kelgende bir qabatty ǵımarat órtenip jatqanyn, sondaı-aq eki qabatty angardyń shatyry, gaz toltyrý stantsııasynda gaz laýlap janyp jatqan.
Órt ornynda órt sóndirý shtaby quryldy, órt sóndirýshi ýchaskeler uıymdastyryldy.
Jedel járdem stantsııasynyń aldyn ala aqparaty boıynsha órtten tórt adam zardap shekken. Órt sóndirýshiler órtti saǵat 00.05 - te aýyzdyqtady.
Qazirgi ýaqytta órt sóndirýshiler órtti joıý boıynsha jumys istep jatyr.
