Nur-Sultanda etnosaıası saýattylyqty kóterý máselesi talqylanýda

NUR-SULTAN. QazAqparat – Nur-Sultanda redaktorlar men iri BAQ-tardyń negizgi qyzmetkerlerine arnalǵan «Etnosaıası saýattylyqty kóterý» taqyrybynda semınar bastaldy, dep habarlaıdy QazAqparat.

Shara uıymdastyrýshysy – QR Aqparat jáne qoǵamdyq damý mınıstrligi Qoldanbaly etnosaıası zertteýler ınstıtýty. Semınardyń maqsaty – búgingi kúni BAQ ókilderiniń Qazaqstandaǵy ultaralyq máselelerdi kóterý kezindegi etnosaıası saýattylyǵyn kóterý. Sonymen qatar osy taqyrypqa mamandanǵan turaqty jýrnalıster pýlyn qurý.

Plenarlyq jáne sektsııalyq otyrystar barysynda birqatar ózekti máselelerdi qarastyrý kózdelip otyr. Baıandamalar arasynda «Shıelenistiń aqparattyq komponenti. Arazdyq tili. Qaqtyǵystyń deklaratıvti kezeńindegi normatıvtik emes etnonımder», «Shıelenis jáne trıgger. Qaqtyǵys kezeńderi. Qaqtyǵystan keıingi kezeń», «Ultaralyq qatynastardyń ekonomıkalyq jáne demografııalyq ólshemi», «QR-da ultaralyq taqyrypty baıandaý barysynda etnosaıası termınologııanyń qoldanylýynyń erekshelikteri».

Alǵashqy bolyp semınar qatysýshylarynyń aldynda QR Aqparat jáne qoǵamdyq damý mınıstri Aıda Balaeva sóz sóıleıdi. Spıkerler: «Qoldanbaly etnosaıaı zertteýler ınstıtýty» JShS dırektory Talǵat Qalıev, QR Aqparat jáne qoǵamdyq damý mınıstrligi Etnosaralyq qatynastardy damytý komıtetiniń tóraǵasy Ǵalym Shoıkın, «Taldaý jáne aqparat ortalyǵy» RMK dırektory Mıhaıl Komıssarov.