Nur-Sultanda erli-zaıypty saýda ortalyǵynan qolarbaǵa salyp kıim urlaǵan
NUR-SULTAN. QazAqparat – Nur-Sultan qalasy Polıtsııa departamenti Krımınaldyq polıtsııa qyzmetkerleri elordadaǵy saýda-oıyn saýyq ortalyqtarynan kıimder urlaǵan úsh azamatty qylmys ústinde ustady, dep habarlaıdy QazAqparat elordalyq PD baspasóz qyzmetine silteme jasap.
Polıtseıler tergeý barysynda erli-zaıyptynyń týysymen jáne úsh jasar balasymen birge dúkenderdi aralap, kıim-keshek, negizinen djınsy men kúrtelerdi úrlaǵanyn anyqtady.
Ustalǵan azamattar úsh ret urlyq jasap úlgergen. Olar urlanǵan zattardy alyp, saýda ortalyǵynyń avtoturaǵynan ketpekshi bolǵan kezde ustaldy.
Qazirgi ýaqytta kúdiktiler óz qylmysyn moıyndady. Zattardyń bir bóligi tárkilendi, ustalǵandar qalǵanyn ótkizip úlgergen.
Erli-zaıyptynyń eki balasy bar. Buǵan deıin olar urlyq jasaǵany úshin qylmystyq jaýapqa tartylǵan. Ustalǵandarǵa qatysty QR QK 188-baby boıynsha sotqa deıingi tergeý júrip jatyr.
Polıtseıler olardyń buǵan deıingi osyndaı qylmystarǵa qatysy bar-joǵyn anyqtap jatyr. Osy kúdiktilerdiń áreketinen zardap shekken azamattar Nur-Sultan qalasy polıtsııa departamentine habarlasa alady: Beıbitshilik, 19 nemese 8 (7172) 71-60-69; 71-61-48, «102».
