Nur-Sultanda er adam sýǵa batqaly jatqan balanyń ómirin saqtap qaldy
NUR-SULTAN. QazAqparat - Nur-Sultanda er adam sýǵa batyp bara jatqan balanyń ómirin saqtap qaldy, dep habarlaıdy QazAqparat astanalyq TJD baspasóz qyzmetine silteme jasap.
11 sáýir kúni 17:30-da «112» pýltine Jedel járdem stansasynan Dýlatov kóshesinde er adam kishkentaı balany qutqarǵany týraly habar kelip tústi.
Batys Qazaqstan oblysynyń týmasy, 1988 jyly týǵan Talǵat Saparovtyń aıtýynsha, úıdiń mańynda balalar shýlap, kishkentaı balanyń jylaǵanyn estigen. Symǵa oralyp qalǵan 7 jasar bara shuńqyrdaǵy sýǵa batyp bara jatqanyn kórip, kómekke asyǵady. Tereńdigi 4 metr shuńqyrdan tartyp alyp, balanyń es-tússiz jatqanyn kóredi. Qolma-qol alǵashqy medıtsınalyq kómek kórsetip, jasandy tynys aldyrǵan soń, bala es jıyp, ózdiginen tynys ala bastaıdy.
Jedel járdem kelgende balanyń qasynda onyń sheshesi men qutqarǵan jigit turǵan. Jedel járdem balany №2 qalalyq balalar aýrýhanasyna alyp ketti.
Nur-Sultan qalasy tótenshe jaǵdaılar departamenti jyldam batyl qadam jasap, balanyń ómirin saqtap qalǵany úshin jigitke alǵys bildiredi. Onyń osy erligi úshin ony departament basshylyǵy marapattaıdy.
