Nur-Sultanda er adam áıelin óltirip, artynan ózine qol jumsaǵan
NUR-SULTAN. QazAqparat - 16 qańtarda elordadaǵy turǵyn úı kesheniniń birinde kisi óltirý oqıǵasy boldy, dep habarlaıdy QazAqparat Nur-Sultan qalasynyń Polıtsııa departamentiniń baspasóz qyzmetine silteme jasap.
Páterlerdiń birinde týystar arasynda janjal bolyp, kúıeýi áıeline pyshaq suqqan. Sodan keıin onyń ápkesine de birneshe jaraqat salǵan. Qaıyn ápkesi páterden qashyp shyǵyp, kórshilerin kómekke shaqyryp úlgergen. Kórshileri polıtsııaǵa qońyraý shalǵan. Bul ýaqytta er adam páterdiń esigin jaýyp alǵan. Polıtsııa qyzmetkerleri esikti buzyp kirgende 46 jastaǵy áıel men onyń jubaıynyń máıitin tapqan. Er adam ózin de pyshaqtap tastaǵany belgili boldy.
Atalǵan fakti boıynsha qylmystyq is qozǵalyp, tergeý amaldary júrgizilýde.
