Nur-Sultanda er adam áıel men oqýshy qyzǵa shabýyldady
Nur-Sultan qalalyq Polıtsııa departamenti baspasóz qyzmetiniń habarlaýynsha, oqıǵa Qoshqarbaev kóshesinde bolǵan. Belgisiz bireý kóshede ketip bara jatqan adamdardyń kózinshe áıel adamǵa shabýyldaǵan. Aldymen ol áıeldiń qolyndaǵy sómkesin tartyp almaq bolǵan. Sol sátte áıel aıqaı salyp, aınalasyndaǵylardan kómek suraǵan. Osy kezde jaqyn mańda ketip bara jatqan er adam áıeldi tonamaq bolǵan buzaqyǵa tap bergen. Tonaýshy sol sátte oqıǵa ornynan izin sýytqan. Oqıǵanyń kýágerleri bolǵan jáıt týraly «102» nómirine habarlaǵan.
Alaıda baýkespe osy áreketin taǵy jalǵastyrǵan. Ol endi kóshede ketip bara jatqan 13 jastaǵy oqýshy qyzdyń rıýkzagyn tartyp alǵan. Oqıǵa ornyna birden polıtsııa narıady jetti. Tártip saqshylary 36 jastaǵy er adamdy qylmys bolǵan mańnan izin sýytpaı ustady.
Osy oqıǵalar boıynsha «tonaý» baby negizinde qylmystyq is qozǵaldy. Ustalǵan adam qamaldy. Zattaı aıǵaqtar tárkilenip, ıesine qaıtaryldy.
Nur-Sultan qalasynyń tártip saqshylary qylmysqa nemquraıly qaramaı, áreket etken azamattarǵa alǵys bildiredi.