Nur-Sultanda er adam 9 kóliktiń terezesin syndyrdy
NUR-SULTAN. QazAqparat – Elordada er adam kópqabatty úıdiń aýlasynda turǵan birneshe kóliktiń terezesin syndyrdy. Bul týraly Nur-Sultan qalasy polıtsııa departamentiniń baspasóz qyzmetinen málimet taratty, dep habarlaıdy QazAqparat tilshisi.
«Nur-Sultan qalasynda er adam tún ýaqytynda Birjan sal kóshesinde turǵan birneshe avtokóliktiń terezesin shaqqan. Polıtsııa qyzmetshileri izin sýytpaı Ekibastuz qalasynyń 40 jastaǵy turǵynyn ustady. Ol osy aýlada páter jaldap turyp jatqany anyqtaldy. Óziniń aıtýynsha, mas kúıinde aýlada qańtarýly turǵan 9 kóliktiń terezesin syndyrǵan.
Qazirgi tańda kúdikti polıtsııaǵa jetkizildi. Onyń ústinen «Buzaqylyq» baby boıynsha sotqa deıingi tegeý bastaldy», - dep jazylǵan departamenttiń dereginde.
Polıtsııanyń málimeti boıynsha, kólik ıelerine kelgen shyǵyn eseptelip jatyr.
