Nur-Sultanda epıdemıologııalyq talaptardy kúsheıtý jónindegi is-sharalar qabyldanady
NUR-SULTAN. QazAqparat – Nur-Sultan qalasyndaǵy epıdemıologııalyq talaptardy kúsheıtý jónindegi is-sharalar qabyldanady. Bul týraly Úkimet otyrysynda QR Premer-Mınıstriniń orynbasary Eraly Toǵjanov aıtty, dep habarlaıdy QazAqparat tilshisi.
«Birinshiden, búgin koronavırýstyń taralýyn tejeý jónindegi vedomstvoaralyq komıssııanyń otyrysy ótkizilip, óńirlerde, onyń ishinde eń aldymen Nur-Sultan qalasyndaǵy epıdemıologııalyq talaptardy kúsheıtý jónindegi is-sharalar qabyldanady. Ekinshiden, barlyq ákimder adamdar kóptep jınalatyn oryndarda, ásirese demalys oryndarynda sanıtarlyq talaptardyń, áleýmettik qashyqtyqtyń, maska rejıminiń qatań saqtalýyna basa nazar aýdarýy tıis.
Úshinshiden, ol barlyq óńirde monıtorıng toptardyń jumysyn kúsheıtý qajettigin, qoǵamdyq oryndarǵa kelýshilerde «Ashyq» qosymshasymen tekserý talabyn qatań saqtaý kerek.
Tórtinshiden, eń mańyzdy másele - halyqty vaktsınatsııalaý. Barlyq deńgeıdegi qala, aýdan, oblys ákimdikteriniń kúndelikti jeke baqylaýynda bolýy tıis. Vaktsına alyp úlgermegen adamdardy tez arada vaktsına alýǵa shaqyrý - eń basty basymdyq», - dedi Eraly Toǵjanov.
