Nur-Sultanda ekspress testileýden ótken 61 adam aýrýhanaǵa jatqyzyldy
NUR-SULTAN. QazAqparat - 9 sáýirden beri elordada 5 myńǵa jýyq adamǵa ekspress-testileý júrgizildi. Bul týraly elordanyń Qoǵamdyq densaýlyq saqtaý basqarmasynyń basshysy Sáýle Qısyqova aıtyp berdi, dep habarlaıdy QazAqparat tilshisi.
«9-13 sáýir aralyǵynda Nur-Sultan qalasynda 4 766 adamǵa koronavırýs ınfektsııasyna baılanysty ekspress testileý júrgizildi. Onyń 61 jaǵdaıynda nemese 1,2% testileý oń nátıje kórsetti», - dep atap ótti basqarma basshysy «Habar 24» telearnasyndaǵy brıfıngte.
Bas memlekettik sanıtarlyq dárigerdiń qaýlysyna sáıkes, bul adamdar ári qaraıǵy tekserý jumystary úshin provızorlyq statsıonarǵa jatqyzyldy.
«ıAǵnı, polımerazdy-tizbekti reaktsııa ádisimen koronavırýs ınfektsııasyna tekserý júrgiziledi. 61 adamnyń 30-y teris nátıjemen aýrýhanadan shyǵaryldy», - dedi S. Qısyqova.
Buǵan deıin basqarma basshysy Nur-Sultanda koronavırýs ınfektsııasynan qaıtys bolǵan adam týraly aıtyp bergen edi.
Qazirgi ýaqytta elordada juqtyrǵandar sany 264 adamǵa jetti. Sońǵy eki kúnde - 12-13 sáýir kúnderi 29 jaǵdaı tirkeldi.
