Nur-Sultanda eki jigit kópirdiń arkasyna shyǵyp ketken

NUR-SULTAN. QazAqparat – Nur-Sultanda polıtsııa qyzmetkerleri kópirden jas jigitterdi túsirip aldy, dep habarlaıdy QazAqparat tilshisi.

«Vıdeobaqylaý kameralaryn tekserý barysynda Nur-Sultan qalasynyń polıtsııa departamenti jedel basqarma ortalyǵynyń ınspektory Qabanbaı batyr dańǵylyndaǵy avtokólik kópirindegi arkaǵa shyǵyp ketken eki adamdy baıqap qalǵan. Oqıǵa ornyna kelgen polıtsııa qyzmetkerleri 25 jastaǵy eki jigitti ustady. Ustalǵan kezde olar mas bolǵan. Ustalǵan jigitterdiń aıtýynsha, olar bıiktikke shyǵý úreıin jeńý úshin kópirge shyǵyp alǵan», - dep habarlaıdy departamentten.

Іshimdik iship alyp, qoǵamdyq orynda júrgeni úshin jas jigitterge 5 AEK-ten aıyppul salyndy.