Nur-Sultanda dombyra kúnine oraı onlaın kontsert ótti

NUR-SULTAN. QazAqparat - Nur-Sultan qalalyq «Rýhanı jańǵyrý» jobalyq keńsesi áleýmettik jelilerdegi paraqshalarynda Dombyra kúnine arnap onlaın-kontsert ótkizdi, dep habarlaıdy QazAqparat elorda ákimdiginiń resmı saıtyna silteme jasap.

Mereke aıasynda halyqaralyq jáne respýblıkalyq baıqaýlardyń laýreaty, Qazaq ulttyq óner ýnıversıtetiniń oqytýshysy Dosym Maqsutov kontsert berdi.

Belgili dombyrashy shákirtterimen birge tanymal shyǵarmalardy oryndady. Sonymen qatar elordalyq dombyra sheberi Aıbat Káribaımen onlaın suhbat ótti. Ol sheberhanasyn kórsetip, dombyra jasaýdyń erekshelikterimen tanystyrdy.

Eske salsaq, 2018 jyldyń 13 maýsymynda Qazaqstannyń Tuńǵysh Prezıdenti Nursultan Nazarbaevtyń Ulttyq Dombyra kúnin belgileý týraly jarlyǵy jarııalandy.