Nur-Sultanda dárigerler 93 jastaǵy naýqasty koronavırýstan emdep shyǵardy
NUR-SULTAN. QazAqparat - Nur-Sultan qalasynyń dárigerleri Aqmola oblysynyń arnaıy qyzmet kórsetý ortalyǵynyń 7 naýqasyn koronavırýstan emdedi, dep habarlaıdy QazAqparat elorda ákimdiginiń resmı saıtyna silteme jasap.
Olar 7 sáýirden bastap № 3 kópbeıindi qalalyq balalar aýrýhanasynda em aldy. Naýqastardyń arasynda 1927, 1933, 1944, 1955, 1961 jylǵy áıelder men 1978, 1984 jylǵy er adamdar bar. Patsıentter dárigerlerge kórsetilgen medıtsınalyq kómek pen qamqorlyq tanytqany úshin alǵys bildirdi. Sondaı-aq dárigerlerge óleń joldaryn arnady. Elordada koronavırýsty juqtyrýdyń 433 jaǵdaıy tirkeldi, 207 adam indetten saýyqty.
