Nur-Sultanda daǵdarysqa qarsy bólingen qarajat ıgerilmeı jatyr

NUR-SULTAN. QazAqparat – Elordada bıýdjettiń atqarylýynda eleýli kemshilikter anyqtaldy. Bul týraly Nur-Sultan qalasy boıynsha Tekserý komıssııasynyń tóraǵasy Imanjúsip Aqpombaev aıtyp berdi, dep habarlaıdy QazAqparat tilshisi.

«Tekserý komıssııasy turaqty túrde elorda bıýdjetitiń oryndalýyna monıtorıng júrgizedi. Taldaý kórsetkendeı, elorda bıýdjetiniń oryndalýynda eleýli kemshilikter bolǵan. Máselen, bıýdjettiń shyǵys bóliginde ótken jylǵa qatysty bıýdjettiń oryndalmaýynyń joǵary deńgeıi baıqalady – 7,2 mlrd teńge, aldyńǵy jyly bul kórsetkish 2,6 mlrd teńge bolǵan edi», - dedi I. Aqpombaev Nur-Sultan qalasynyń máslıhatynda Bıýdjet, ekonomıka, ónerkásip jáne kásipkerlik máseleleri jónindegi turaqty komıssııanyń otyrysynda.

Onyń aıtýynsha, bıýdjet ıgerilmeýiniń negizgi bóligi qurylys basqarmasynda baıqalǵan. Bıýdjettiń oryndalýy kezinde syn-táýekelder anyqtalmaǵan jáne 6 283,1 mln teńgeni, onyń ishinde daǵdarysqa qarsy 3 955,3 mln teńgeni ıgerý boıynsha shara qabyldanbaǵan.

Buǵan deıin Imanjúsip Aqpombaev elordada 107,9 mlrd teńgege qarjylyq buzýshylyqtar bolǵanyn aıtqan edi.