Nur-Sultanda dabyl iske qosylady
NUR-SULTAN. QazAqparat - Erteń, 12 jeltoqsan kúni elordada elektrodabyl iske qosylady, dep habarlaıdy QazAqparat qalalyq tótenshe jaǵdaılar departamentine silteme jasap.
«12 jeltoqsan saǵat 09:55-te teleradıo arnalardy ustap qalý jáne elektrodabyl qosý arqyly Nur-Sultan qalasynyń qulaqtandyrý júıeleri tekseriledi. Tótenshe jaǵdaı oryn alǵan kezde nemese sondaı qaýip tóngen kezde elektrodabyldar nemese basqa da dabyl quraldary qosylady. Ol «Barshańyzdyń nazaryna!» biryńǵaı qulaqtandyrý dabylyn bildiredi. Bul dabyldy estigen kezde turǵyndar is-áreket týraly nusqaýlar men aqparat alý úshin mindetti túrde qolaıly aqparat qabyldaý quraldaryn (teledıdar, radıo jáne basqa) qosýy kerek» delingen TJD habarlamasynda.
Nur-Sultan qalasy TJ departamenti qala turǵyndaryn sabyr saqtap, úreılenbeýge shaqyrady.
