Nur-Sultanda bótelkelester janjaldyń sońy pyshaqtasýmen aıaqtaldy
NUR-SULTAN. QazAqparat – Nur-Sultan qalasynda eki er adamnyń birge spırttik ishimdik ishýi pyshaqtasýmen aıaqtaldy, dep habarlaıdy QazAqparat.
«Nur-Sultan qalasynyń polıtsııa departamenti Almaty aýdany polıtsııa basqarmasynyń qyzmetkerleri qurylys nysanynda tanysymen birge spırttik ishimdikter iship otyrǵan elordanyń 32 jastaǵy turǵynyn ustady. Er adamdardyń araǵy taýsylyp, dúkennen taǵy ishimdik almaq bolǵan. Jolda aralarynda janjal shyǵyp, saldarynan er adam 31 jastaǵy jábirlenýshiniń ish qýysyna pyshaq jaraqatyn salǵan. Jedel-izdeý sharalaryn ótkizý kezinde polıtseıler qalanyń buryn sottalǵan 32 jastaǵy turǵynyn ustady. Kúdikti óz kinásin moıyndady», - dep baıandady polıtsııada.
Vedomstvonyń málimetinshe, aıǵaq dálelder alyndy. Ustalǵan er adam ýaqytsha ustaý oqshaýlaǵyshyna qamaldy. Qylmystyq is qozǵaldy.
