Nur-Sultanda blokpostty aınalyp ótpek bolǵan 3 adam ustaldy
Polıtsııa departamenti olar blokpostan bir jarym shaqyrym jerdegi Nur-Sultan – Qostanaı tasjolynan ustalǵanyn aıtty.
«Karantın rejımi engizilgen elorda aýmaǵyna kirmek bolǵan Qajymuqan aýylynyń úsh turǵyny ustaldy. Olar qashyp qalaǵa kirmek boldy. Tótenshe jaǵdaı rejımin buzbaq bolǵan adamdarǵa qatysty ákimshilik is qozǵaldy. Nur-Cultan qalasyndaǵy mamandandyrylǵan aýdanaralyq sottyń sheshimi boıynsha, zań buzýshylar 15 táýlikke qamalady», - delingen Polıtsııa departamentiniń baspasóz habarlamasynda.
Sondaı-aq, polıtsııa qyzmetkerleri elordaǵa bara jatqan Aqmola oblysynyń turǵyndaryn ustaǵan.
«Mundaı faktilerdiń aldyn alý úshin polıtsııa qyzmetkerleri dron qoldanyp, azamattardyń zańsyz áreketterin anyqtaıdy. Osyndaı jaǵdaıdy boldyrmas úshin elordanyń shet jaǵyna kúzet qoıylady», - deıdi polıtsııa qyzmetkeri.