Nur-Sultanda bıyl 400 qoǵamdyq keńistik pen aýla abattandyryldy
NUR-SULTAN. QazAqparat - Nur-Sultan qalasynyń ákimi Altaı Kólginov qaladaǵy saıabaqtar men basqa da qoǵamdyq keńistikterdi abattandyrý boıynsha qandaı jumys atqarylyp jatqanyn aıtty, dep habarlaıdy QazAqparat elorda ákimdiginiń resmı saıtyna silteme jasap.
«Qala turǵyndary úshin taza aýada ýaqyt ótkize alatyn jańa oryndar ashyp qana qoımaı, qoldanystaǵy jerlerge de kóńil bólemiz. Qalany aralaý barysynda birqatar saıabaqqa bardym.
Mysaly, Esil ózeniniń jaǵasynda Ramstordan Telman eldi mekenine deıin jaryq bolǵan joq, qazir onda týmbalar tóseldi, uzyndyǵy 4 km kabel tartylyp jatyr. Sonymen birge plıtkalar men tóselgen tastardy qalpyna keltirý jumysy júrip jatyr.
Ózen jaǵasyndaǵy saıabaqta («Qalalyq romans» turǵyn úı kesheniniń jaǵynda) balalar men eresekterge arnalǵan taǵy birneshe aımaq abattandyryldy: tóbeshikter, «pıton» oıyn alańy (arqan konstrýktsııasy), úlken qumsalǵysh, túrli oıyn elementteri jáne t.b. ashyldy.
Ortalyq saıabaqtyń negizgi kireberisinen (Turan dańǵyly) amfıteatrǵa deıin jóndeý-qalpyna keltirý jumystary júrgizilýde.
Sondaı-aq, saıabaq aýmaǵyn qys mezgilinde qyzyqty etetin park tujyrymdamasyn ázirleýge kiristik. Botanıkalyq baqty jóndeý-qalpyna keltirý jumystary júrgizildi, osyǵan deıin sýburqaqtyń bári retke keltirilip, iske qosylǵan, 13 myń sharshy metr velojol jańartyldy jáne t.b.
Eki jyl ishinde jalpy sany 400 qoǵamdyq keńistik pen aýla abattandyryldy.
Mysaly, bıyl qutqarýshylar alańy (A.ıAnýshkevıch jáne A.Pýshkın kósheleriniń qıylysy) sııaqty taqyryptyq alańdar ashyldy, ol kópir keńistiginiń jalǵasy boldy (L.N. Gýmılev atyndaǵy EUÝ janynda).
«Qutqarýshylar saıabaǵy» skveriniń aýmaǵynda balalar men eresekter aımaǵy, parkýr-alańy, kedergi jolaqtar jáne t.b. ornalasqan.
Sondaı-aq turǵyndar úshin qalada alǵash ret «NS street life» dep atalatyn sport kolızeıin saldyq (Almaty aýdany Muńaıtpasov kóshesi men Táýelsizdik dańǵylynyń qıylysy).
Bul – eki deńgeıli mýltıfýnktsıonaldy arena.
Memleket basshysy halyq arasynda buqaralyq sportty damytýǵa jáne belsendi salaýatty ómir saltyn nasıhattaýǵa erekshe kóńil bóledi.
Jaıly qoǵamdyq keńistikter men kópfýnktsıonaldy alańdar ashý turǵyndardyń bos ýaqytyn densaýlyǵy úshin paıdaly ótkizetin, sportpen shuǵyldanatyn oryndarmen kóbirek qamtýǵa múmkindik beredi», - dep jazdy qala ákimi.
