Nur-Sultanda bir top áıel Mınıstrlikter úıine kirýge tyrysty: 6 buzaqyǵa aıyppul salyndy
NUR-SULTAN. QazAqparat – 19 shildede ashýly áıelderdiń bir toby ótkizý erejelerine qaıshy, Mınıstrlikter úıine basa-kóktep kirmek boldy. Bul týraly QazAqparat Polıtsııa departamentine silteme jasap habarlaıdy.
Polıtsııa qyzmetkerlerine til tıgizip, olardy qol-aıaqtarymen soqqylap, kúzetshiler men Densaýlyq saqtaý mınıstrliginiń qyzmetkerlerine sý shashqan.
Densaýlyq saqtaý mınıstrliginiń jaýapty qyzmetkerleri dıalog qurýǵa, máselelerdi túsinýge jáne olardyń sheshimin tabýǵa tyrysqanda, áıelder olarǵa balaǵat sóz aıtyp, betterinen soǵyp jibergen, kıimderin tartyp julqylaǵan.
Mundaı áreketterdi qoǵam quptamaıdy jáne zań boıynsha ákimshilikten qylmystyq jaýapkershilikke deıin qýdalanady.
Zańǵa qaıshy áreketteri men buzaqylyq áreketteri úshin 6 áıel ákimshilik jaýapkershilikke tartylyp, árqaısysyna 25 AEK mólsherinde aıyppul salyndy.
