Nur-Sultanda bir táýlikte 136 jol-kólik oqıǵasy tirkeldi
NUR-SULTAN. QazAqparat – Nur-Sultan qalasynyń polıtsııa departamenti júrgizýshilerge eskertý jasady, dep habarlaıdy QazAqparat tilshisi polıtsııa departamentine silteme jasaı otyryp habarlaıdy.
«Kólik keptelisinde qalmaı, qalypty jyldamdyq pen qaýipsiz qashyqtyqty saqtaý úshin siz ózińizdiń baǵdaryńyzdy aldyn ala josparlaýyńyz kerek. Júrgizýshiler úshin eń qaýipti shaq - kólikterdiń tejeý qyzmetine kedergi keltiretin alǵashqy qardyń jaýǵan kezi. Osyǵan baılanysty sizden jazǵy dóńgelektermen jolǵa shyqpaýlaryńyzdy eskertemiz, - dedi Nur-Sultan PD ákimshilik polıtsııa basqarmasynyń bastyǵynyń orynbasary Symbat Shoqytaev.
Onyń málimetinshe elordada keıingi táýlikte 136 jol-kólik oqıǵasy tirkelgen. Bir kúnniń ishinde ǵana jol-kólik oqıǵalarynyń sany 45 paıyzǵa kóbeıgen.
Aýa-raıynyń buzylýyna baılanysty polıtsııa bólimsheleri kúndiz kúsheıtilgen rejımde jumys istep jatyr. Qala kóshelerin qardan tazartý úshin jeke quram mamandandyrylǵan tehnıkalarǵa erip júredi. Qar qursaýynda qalǵan kólik ıelerine barynsha kómek kórsetiledi.
