Nur-Sultanda bir kúnde 30-ǵa jýyq nysan karantın talaptaryn buzdy
Kún saıyn olar qalanyń júzden astam kásipkerlik nysanyn tekseredi, onyń barysynda sanıtarlyq normalar men karantın talaptaryn buzǵan mekemelerdi anyqtaıdy, dep habarlaıdy QazAqparat Nur-Sultan ákimdiginiń resmı saıtyna silteme jasap.
Ótken táýlikte, ıaǵnı 21 tamyzda qalanyń 29 mekemesi shekteý talaptaryn buzǵany úshin ákimshilik jaýapqa tartyldy.
Baıqońyr aýdanynda karantın rejımin «Tabys», «Porta fortuna» meıramhanalary, «Tortýga», «Panaehalı», «Mıata», «Barrus» barlary buzdy.
Al Saryarqa aýdanynda ornalasqan «Qaraqat» kafesinde, «Chılı grıl», «Sky smoke» kalıanynda jáne «Djentelmen klab» massaj salonynda karantın talaptary buzylǵany tirkeldi.
Karantın shekteýlerin buzýshylar tizimine Almaty aýdanynyń 10 kásipkerlik nysany endi. Olardyń qatarynda «Mıko» kafesi, «Shygys Juldyzy» meıramhanasy, «V drova» bary, «Ryba moeı mechty» karaoke-bary, Egindi kóshesinde ornalasqan kottedj, «Tema», «Arena» kompıýterlik klýbtary, «Mıata» bary, «Janym Soul», «Sova» karaoke-klýbtary bar.
«Panaehalı», «Tequila» barlarynda, «Veranda» jazǵy terrasasynda, «Baoli» laýndj-barynda, «Zoloto», «Carreta», «MILLIONAIRE», «Rabııa» meıramhanalarynda, «Alanııa» karaoke-klýbynda belgilengen jumys rejımi saqtalmaǵan.
Aıta keteıik, tártip buzýshylarǵa qatysty jınalǵan materıaldar ákimshilik sharalar qabyldaý úshin sanıtarlyq-epıdemıologııalyq baqylaý salasyndaǵy ýákiletti organǵa tapsyryldy.
Esterińizge sala keteıik, elordada epıdemıologııalyq ahýal turaqty emes. Koronavırýstyń taralýynyń odan ári ósýine jol bermeý úshin qala qonaqtary men turǵyndary, sondaı-aq kásipkerlik nysandary sanıtarlyq normalar men shekteý sharalaryn qatań saqtaýy kerek.
